2018 සැප්තැම්බර් මාසයේ 19 වනදින උදෑසන 414 ට බුධ ග්‍රහය කන්‍යා රාශියා ඇතුළු වෙනවා. මෙම කන්‍යා රාශියට පිවිසීම සිදුවන්නේ උත්‍රපල් නැකතින්. ඉතින් එතැනදී මෙය වැදගත් වීමට හේතු කාරනාවක් තිබෙනවා. බුධ ග්‍රහය යනු බුද්ධිමතුන් නියෝජනය කරන ග්‍රහය. නැත්නම් නීති ක්ෂේත්‍රය සම්බන්ධව එහෙම නැතිනම් විශ්වවිද්‍යාල මහාචාර්යවරුන්ට සම්බන්ධව බොහොම වැදගත් කාලසීමාවක්. ඒ වගේම තමයි රට කරවන නැතිනම් ආණ්ඩු පක්ෂයට විපක්ෂයට බොහොම වැදගත් තීන්දු තීරණ කිහිපයක් ගන්නවා වගේම නිවැරදි අයුරින් රට පාලනය කරන කාලසීමාවක්. පුද්ගලිකව ඔබගේ කේන්ද්‍ර සටහනට අනුව ලග්න කිහිපයකට භද්‍රා යෝගය උදාවෙයි. අපි දැන් බලමු ඔබගේ ලග්නයට කෙසේ නම් මෙය බලපාවිද කියා. 


අවුරුද්දකට වරක් සිදුවන විශේෂ ග්‍රහ මාරුවක් පිලිබඳ තමයි ප්‍රවීණ ජ්‍යෝතිෂ්‍යවේදී රුක්ෂාන් ජයසේකර මහතා ගෙන එන්නේ. 2018 වර්ෂයේ සැප්තැම්බර් මාසයේ 17 වන දින උදෑසන 6.46 ට රවී ග්‍රහයා කන්‍යා රාශියට පිවිසුනා. රවී ග්‍රහය කන්‍යා රාශියට පිවිසෙන්නේ මේ අවස්ථාවේ උත්‍රපල් නැකතින්. එතැනදී රවී ග්‍රහයගේ මෙම ග්‍රහ ගමනත් සමග මෙම රාශිය තුල එනම් කන්‍යා රාශිය තුල 2018 වර්ෂයේ ඔක්තෝබර් මාසයේ 17 වන දින සවස 6.43 දක්වාම රැඳී සිටිනවා. මේ රවී ග්‍රහයා අපිට මෙච්චර වැදගත් වන්නේ රාජ්‍යකාරක ග්‍රහයෙක් නිසා. වර්තමාන ආණ්ඩුව නියෝජනය කරන ග්‍රහය. බුද්ධියට අධිපති බුධගේ රාශියකට තමයි මෙම රාජ්‍ය කාරක රවී ග්‍රහය පිවිසෙන්නේ.  ඉතින් මෙම ග්‍රහ මාරුව ඔබේ ලග්නයට කෙසේ නම් බලපාවිද කියා අපි දැන් විමසා බලමු.


2016.08.11 සිට 2018.10.11 දක්වා කන්‍යා සහ තුලා ධන රාශි දෙකේ සතුරුව ගමන් කළ ගුරු ග්‍රහයා 2018.10.11 දින රාත්‍රි 7.21 ට සිය මිත්‍ර රාශියක් වූ වෘශ්චිකයට පිවිස 2019.11.05 එහි ගත කරනු ඇත. ඒ අනුව ඔ​බේ ලග්නයට කොහොමද? ගුරු වඩාත් ශුභ ඵල ගෙන දෙන්නේ මේෂ, කටක, සිංහ, වෘශ්චික, ධනු, මීන ලග්න හිමියන්ටය. වෘෂභ, මිථුන, කන්‍යා, තුලා, කුම්භ මකර ලග්නවලට පාපි ග්‍රහයෙකි.

ඒ කෙසේ වෙතත් ඒ ඒ ලග්න හිමියන්ට ගුරුමාරුවේ ශුභ අශුභ පල ලැබෙන්නේ තමන්ගේ ජන්ම කේන්ද්‍රයේ ගුරු ග්‍රහයා තැන්පත් බල දුබල වන බව සලකන්න. ඒ සමගම සෙනසුරු පාපී ග්‍රහයා වී හෝ වෙනත් පාපී ග්‍රහයෙකුගේ මහ දශාවක් හෝ අතුරු දශාවක් ගත කරමින් සිටීද? ජන්ම එරාෂ්ඨකයක් ගත කරන්න කාලයක්ද එසේනම් මා මෙහි සඳහන් කරන ශුභපල නොලැබී යා හැකිය.

මේෂ ලග්නය:

ගුරු ග්‍රහයා ඔබේ 8 වැන්නට පැමිණේ. ඔබ​ට ශුභ ග්‍රහයෙක් වුවත් 8 වැන්නට පැමිණීම එතරම් යහපත් නොවේ. ඔබේ ජන්ම කේන්දරයේ ගුරු ලග්නයේ 4 වැන්නේ 5 වැන්නේ 8 වැන්නේ 9 හෝ 12 වැන්නේ නම් බිය විය යුතු නැත. අන් ස්ථානයක ගුරු තැන්පත් අයට හිත් කරදර දුක් කනගාටු සිද්ධි අලාභහානි සිදුවිය හැකිය. ශුභඵල හැටියට පැවසිය හැක්කේ විවාහයෙන් ලැබිය යුතු දේපළ, ධනය ලැබීමට පුළුවනි.

වෘෂභ ලග්නය:- ඔබට පාපී ග්‍රහයකු වූ ගුරු 7 වැන්නට පැමිණීම යහපත් විය හැකියි. ඔබේ ජන්ම කේන්දරයේ ගුරු 3, 4, 7, 8, 11 වැන්නේ නම් අධ්‍යාපනය ලබන අයට දහමට යොමුවේ. විදේශීය ගමන් බිමන් යෙදේ. සහකරු හෝ සහකාරියගේ සහෝදර සහෝදරියන්ගෙන් උදව් උපකාර ලැබේ. ඉහත දක්වා ඇති ස්ථාන හැර අන් තැනක ගුරු තැන්පත් කර හදිසි රෝගාබාධ උණ රෝග ලේ විෂවීමෙන් සෑදෙන රෝග පීනස, බඩ පුරවා දැමීම, මුත්‍රා සමග ධාතු පහවීම, දියවැඩියාව හැඳින් විය හැකිය.

මිථුන ලග්නය:

ගුරු ඔබට පාපි ග්‍රහයෙකි. දැන් හය වැන්නට පැමිණීම යහපත් නැත. සතුරු කරදර ඇතිවිය හැකිය. රෝගාබාධ ඇතිවීමේ ඉඩ කඩ පවතී. ඉහත වෘෂභ ලග්න හිමියන්ට මතුවිය හැකි රෝග ඔබටද පැන නැගිය හැකිය. ගුරු ග්‍රහයා ඔබගේ ජන්ම කේන්දරයේ 2 වැන්නේ නම් ආදායම් තත්ත්වය යහපත් වේ. 7 වැන්නේ නම් මෙතෙක් පැවැති විවාහ බාධක ඉවත් වී ගුණවත් සහකරුවෙකු සහකාරියක ලැබෙනු ඇත. 12 වැන්නේ ගුරු පිහිටි අයට විදේශ ගමන් යෙදිය හැකිය

කටක ලග්නය

ඔබට ඉතාමත් ශුභපල ගෙනදෙන ගුරු ග්‍රහයා 5 වැන්නට පැමිණීම ඉතාමත් ශුභයි. දරුපල බලාපොරොත්තු ඉටුවේ. විශේෂයෙන් පිරිමි දරුවන් ලැබීමේ ප්‍රවණතාවයක් ඇත. ප්‍රාථමික අධ්‍යාපනය ලබන දරුවන්ටද යහපත් වර්ෂයකි. ස්ත්‍රී - පුරුෂ දෙදෙනාගේ රාගික හැඟීම් උත්සන්න වේ. චිත්‍ර සංගීත නැටුම් ඉගෙනුම ලබන අයට සාර්ථක ප්‍රතිපල ලැබේ. ගුරු ඔබේ ලග්නයේම නම් බලවත් ලෙස ශුභඵල ගෙන දෙනු ඇත. ආදායම් තත්ත්වය ඉහළ යයි. පිනට දහමට යොමුවේ. 6 වැන්නේ නම් සතුරන් දමනය කර ගත හැකිය. 9 වැන්නේ නම් එයද ඉතාමත් ශුභඵල ගෙන දෙන පිහිටීමකි. පියාට යහපත්ය. පෙර පිං පළදෙන කාලයකි.

සිංහ ලග්නය

ඔබටද ශුභපල ගෙන දෙන ගුරු ග්‍රහයා 4 වැන්නට පැමිණ ඇත. ජන්ම කේන්දරයේද ගුරු 4 වැන්නේ නම් යාන වාහන, ඉඩකඩම් දේපළ හිමිවන වර්ෂයකි. ඔබට පදිංචියට නිවසක් ඉදිකර ගැනීමට බලාපොරොත්තුව ගුරු 4 වැන්නේ ගත කරන කාලය තුළ ඉටු කරගත හැකිය. දෙමාපියන්ගෙන් ලැබීමට නියමිත දේපළ හිමිවන භූමිලාභ හිමි කායික සැප ලබන කාලයකි. ගුරු 1, 4, 5, 8, 9, 12 වැන්න වැනි ස්ථානයක තැන්පත් අයට පමණක් ශුභඵල ලැබේ.

කන්‍යා ලග්නය:-

ගුරු ග්‍රහයා 3 වැන්නට පැමිණේ. ගුරු ඔබට පාපී ග්‍රහයෙකි. ඔබට ශුභ හෝ අශුභ ඵල ලැබෙන්නේ ගුරු ඔබගේ ජන්ම කේන්දරයේ තැන්පත් ස්ථානය අනුවය. ඔබේ ලග්නයේ 2, 9, 10 යන ස්ථාන හතරින් එකක පිහිටි අයට අශුභඵල ලැබේ. සහෝදර සහෝදරියන් අතර අමනාපකම්, ඉගෙනීමේ දුර්වලතා කල්පනා ශක්තිය අඩුවීම, අසල් වැසි නෑදෑයින් සමග අසමගිකම් ඇතිවිය හැකිය. පාපී ග්‍රහයෙන් වුවත් 4, 7, 11 වැනි තැනක ගුරු තැන්පත් අයට ප්‍රමාද වූ විවාහ යහපත් අතට හැරේ.

තුලා ලග්නය:-

ඔබේ 2 වැන්නට පැමිණේ. ගුරු ඔබට වඩා අශුභඵල ගෙන දෙන ග්‍රහයා වේ. ඔබේ ජන්ම ​කේන්දරයේ ලග්නයේ 4, 8, 9, 12 වැනි තැනක නම් වඩාත් අශුභඵල ගෙන දෙනු ඇත. ධනහානි ව්‍යාපාර හෝ කරන කියන රැකියාවලින් ලැබෙන ආදායම් අඩුවීම සිදුවේ ලෞකික සැප භුක්ති විඳීමට නොලැබේ. දකුණු ඇසේ රෝග හටගත හැකිය. ගුරු 3, 6, 10 වැනි තැනක තැන්පත් අයට ශුභඵල නොලැබෙනු ඇත.

වෘශ්චික ලග්නය:-

ඔබට ශුභ ග්‍රහයෙකු වූ ගුරු ලග්නයටම පැමිණ ඇත. සෙනසුරු ඒරාශ්ඨකය නිසා කරදර බාධකවලට මුහුණ පා සිටින ඔබට ගුරුගේ පැමිණීම යම් සහනයක් වනු ඇත. සෞඛ්‍ය තත්ත්වය යහපත් වනු පමණක් නොව ශරීර ස්වභාවයද පැහැපත් වේ. පිනට දහමට යොමු වේ. ගුරු ග්‍රහයා ඔබේ ජන්ම කේන්දරයේ 3, 7, 8, 12 වැනි තැනක නම් ශුභඵල නොලැබී යා හැකිය විවාහය ප්‍රමාදවීම විවාහ ජීවිතයේ ප්‍රශ්න නඩුහබවලට පැටලීම සිදුවිය හැකිය.

ධනු ලග්නය

ඔබේ ලග්නාධිපති ගුරු ග්‍රහයා 12 වැන්නට පැමිණීම නම් එතරම් යහපත් නැත. ඔබද සෙනසුරු ලග්න ඒරාෂ්ඨකය ගත කරමින් සිටියදී ගුරු ජන්ම කේන්දරයේ 2, 6, 7 10, 11 වැනි තැනක නම් දඟගෙයි වැටීම, දුක් කරදර, ගමන් බිමන් යාමට සිදුවීම, රෝග පීඩා හදිසි අනතුරුවලට මුහුණ පෑමට ඉඩ ඇති බැවින් ප්‍රවේසම්වන්න. ගුරු ලග්නයේ හෝ 4, 5, 8, 9, 12 වැනි තැනක පිහිටි අයට අශුභඵල ගෙන නොදේ. විදේශ ගමන් යෙදිය හැකිය.

මකර ලග්නය

ගුරු ග්‍රහයා ඔබටද පාපි ග්‍රහයෙකි. 11 වැන්නට පැමිණ ඇත. ඔබට ගුරු පාපි ග්‍රහයෙක් වුවත් 11 වැන්න ගුරුට යහපත් තැනකි. ඔබේ ජන්ම කේන්දරයෙන්ද ගුරු 11, 3, 4, 7, 8, 12 වැනි තැනක නම් ආදායම් තත්ත්වය යහපත් වේ. ව්‍යාපාරවල නිරත අයට ලාභ ලැබිය හැකිය. යහපත් මිතුරන් ආශ්‍රය කිරීමට ලැබේ. 5, 6, 9, 10 වැනි තැනක ගුරු තැන්පත් අයට තරමක අශුභ ඵල ලැබිය හැකිය. 5, 9 වැනි තැනක තැන්පත් අය එතරම් බිය විය යුතු නැත. අන් අයට අධ්‍යාපන කටයුතුවලදී හා රැකි රක්ෂා ප්‍රශ්න ඇතිවීමට ඉඩකඩ පවතී.

කුම්භ ලග්නය:-

ඔබටද පාපී ග්‍රහයෙකු වූ ගුරු 10 වැන්නට පැමිණීම සහනයකි. ඔබේ ජන්ම කේන්දරයේද ගුරු 10 වැන්නේ නම් රැකියා බලාපොරොත්තු ඉටුවේ. ​රැකියාවල නිරත අයට උසස්වීම් නියමිතය. ස්ථානයේ ප්‍රධානියෙකු වීමටද වාසනාව ඇත. එහෙත් ගුරු ඔබගේ ඡන්ම කේන්දරයේ 4, 5, 8, 9, 12 වැනි තැනක නම් රැකියා බලාපොරොත්තු ඉටු ​නොවේ. රක්ෂාවල නිරත අයට ප්‍රශ්න ගැටළු ඇතිවිය හැකිය. ගුරු 2, 3, 6, 7, 10, 11 වැනි තැනක තැන්පත් අයට සාමාන්‍ය ශුභඵල ලැබිය හැකිය.

මීන ලග්නය- ඔබගේද ලග්නාධිපති වන ගුරු ඔබට ශුභඵල ගෙන දෙන ග්‍රහයාවේ. 9 වැන්නට පැමිණ ඇත. ඔබ ඉතා වාසනාවන්තය. ගුරු ඔබගේ ජන්ම කේන්දරයේ ද 9 හෝ 2, 5, 6. 9, 10 වැනි තැනකනම් ගුරු වෘශ්චික රාශියේ ගත කරන වර්ෂයකට ආසන්න කාලය ජීවිතයේ වැදගත් කාලයක් වනු ඇත. පිනට දහමට යොමුවේ. දුර ගමන් බිමන් යෙදේ. අධ්‍යාපනය ලබන දරුවන්ට සතුටුදායක ප්‍රතිඵල ලැබේ. විවාහ සහකරු/ සහකාරියන් ගේ ඥාතීන්ගෙන් උදව් උපකාර ලැබේ. පියාට ශුභයි. ගුරු ග්‍රහයා 3, 4, 7, 8 වැනි තැනක සිටින අයට සඳහන් කළ ශුභ පල නොලැබී යා හැකිය.

​ජ්‍යෙතිර්වේදී හංවැල්ලේ ඇස්. සිරිවර්ධන

133 සී. ජයන්ති පාර, දොම්පේ

ඉර උදාව - පෙරවරු 06.01 ට

ඉර බැසීම - පස්වරු 18.10 ට

රාහු කාලය

දිවා 16.31 ට සිට 18.00 දක්වා

රාත්‍රී 04.31 සිට 06.00 දක්වා

සුභ දිශාව - දකුණ

මරු සිටින දිශාව - උතුර

මේෂ

හවුල් ව්‍යාපාර ආදිය වෙනුවෙන් වෙහෙසීමට සිදු වේ. සමාජ කටයුතු වෙනුවෙන් කැප වී ක්‍රියා කරන දිනයකි. පවුලේ කටයුතු සාමකාමී ලෙස ඉටු කරයි. උත්සව අවස්ථා සඳහා සහභාගි වීමට අවස්ථාව සැලසේ. ප්‍රණීත ආහාරපාන රස විඳීමට ද අද දිනයේ ලැබෙයි. ඇඳුම් පැළඳුම් සුවඳ විලවුන් ආදී දේ සඳහා වැඩි මුදලක් වැය කිරීමට සිදු වන දිනයකි. උදරය ආශ්‍රිත රෝගවලින් පීඩා විඳීමට සිදුවිය හැකි බැවින් ප්‍රවේශම් වන්න. ජය වර්ණය - රතු, ජය අංකය - 09, නෙළුම් මලක් පූජා කරන්න.

වෘෂභ

උසස් පුද්ගලයන් ඇසුරට ලැබෙන දිනයකි. හවුල් ව්‍යාපාර කටයුතුවලින් ලාභ මෙන්ම ප්‍රසිද්ධිය ලැබීමට ඉඩ තිබේ. අන් අයගේ යහපත වෙනුවෙන් කටයුතු කරන්නට යෑමෙන් තමන් කරදරයට ලක්විය හැකි බැවින් කල්පනාකාරීව කටයුතු කරන්න. පිතෙන් යෙදෙන උෂ්ණාධික රෝග සෑදීමට ඉඩ තිබේ. ප්‍රවේසම්වන්න. නව මිත්‍රාදීන් හමුවීමට ඉඩකඩ ලැබේ. අධ්‍යාපනය ලබන දූ දරුවන්ට මතක ශක්තිය වර්ධනය කරවයි. ජය වර්ණය - නිල්, ජය අංකය - 05, ඊශ්වර දෙවිඳුට සෙත් පතන්න.

මිථුන

අධ්‍යාපන කටයුතුවලට යහපත් වනු ඇත. විවාහ ජීවිතයේ සමඟිය වර්ධනය වන දිනයකි. රැකියා ස්ථානයේ නව තනතුරු ලැබේ. පිය පාර්ශ්වයේ ඥාතීන් සමඟ සිත් අමනාපකම් ඇති වීමට ඉඩකඩ ඇත. කල්පනාකාරීවන්න. දරුවන්ගේ දියුණුවට කටයුතු යෙදේ. දරුවන් බලාපොරොත්තු වන විවාහකයන්ට යහපත් දිනයක් වනු ඇත. ධාරණ ශක්තිය වැඩි දියුණු වේ. තම ආත්ම ගෞරවය ආරක්ෂා කර ගනිමින් අද දිනය තම කටයුතු කර ගනියි. ජය වර්ණය - කොළ, ජය අංකය - 05, ගිතෙල් මිශ්‍ර පහනක් දල්වන්න.

කටක

සිතේ අනුකම්පාව හා කරුණාව පිරුණු දිනයකි. අනුන්ගේ දුකට පිහිට වේ. හවුල් ව්‍යාපාරවලින් ලාභ ලැබිය හැකිය. මවට ශුභ වේ. ගේ දොර ඉඩකඩම්වලින් වාසි සැලසේ. විවාහ ජීවිතය ප්‍රීතිමත්ව ගෙවයි. අතමිට මිල මුදල් ගැවසෙන දිනයකි. ඉගෙනීමේ කටයුතුවල යෙදෙන අයට ඉතා සුබ දිනයකි. සමාජමය කටයුතු කෙරෙහි වැඩි උනන්දුවක් දක්වයි. සුවබර නින්දක බලාපොරොත්තු ඈතට යයි. උදරාබාධ ඇති වේ. ජය වර්ණය - ක්‍රීම් පාට, ජය අංකය - 02, විළඳ පූජා කරන්න.

සිංහ

ගුප්ත බලවේගයන් පිළිබඳ අද දිනයේ දැඩි විශ්වාසයකින් යුතුව කටයුතු කරයි. රැකියා ස්ථානයේ ස්ථාන මාරුවීම් ආදිය සිදුවිය හැකිය. විවාහ ජීවිතය තුළ සුළු අඩුපාඩුකම් ඇති වේ. සහෝදරයන්ගේ දියුණුව වෙනුවෙන් කැප කරන දිනයකි. ලිපි ගනුදෙනු පිළිබඳ ගිවිසුම්වලින් පාඩු ලැබිය හැකි නිසා කල්පනාකාරීව කටයුතු කරන්න. කෙටි ගමන් බිමන් නිසා වැය පාර්ශවය අධික වේ. වචන භාවිතයේ දී ප්‍රවේශම් වන්න. ජය වර්ණය - රතු, ජය අංක - 01, නෙළුම් මලක් පූජා කරන්න.

කන්‍යා

මවු පස උරුමකම් ලාභ ලැබීමට වාසනාව ලැබෙන දිනයකි. පවුලේ සාමාජිකයන් හා ගේ දොර පිලිබඳ වගකීමෙන් යුතුව කටයුතු කරයි. සමාජයේ පුද්ගලයන් සමඟ සුහදව කටයුතු කරන දිනයකි. පියාගේ අසනීප තත්ත්වයක් වෙනුවෙන් වෙහෙසීමට සිදු වේ. ඇස් ආශ්‍රිත රෝගාබාධ ඇති වීමට ඉඩකඩ ඇති බැවින් ප්‍රවේසම් වන්න. මවු පාර්ශවයේ ඥාතියෙකු සමඟ දුර බැහැර යෑමට සිදුවේ. කාලත්‍ර පාර්ශ්වයට අසනීපගති මතු කරයි. ජය වර්ණය - කොළ, ජය අංකය - 05, ගිතෙල් මිශ්‍ර පහනක් දල්වන්න.

තුලා

අද දිනයේ ඔබ සමාජයේ ගෞරවයට පාත්‍ර වේ. රැකියා කරන ස්ථානයේ උසස් නිලතල ලැබීමට පුළුවන. සහෝදරයන් සමඟ සුහදව කටයුතු කරයි. වැය පාර්ශ්වය ඉහළ යා හැකිය. විදේශ ගමන් බලාපොරොත්තු අයගේ සිහින සැබෑ වේ. ස්වකීය උත්සාහය හා උනන්දුව මත තම කටයුතු උසස් තත්ත්වයකට පත්කර ගනියි. අධ්‍යාපන කටයුතුවල නිරත අයට බාධා මතු කරයි. ප්‍රේම සබඳතාවලට සුබදායක නැත. ජය වර්ණය - නිල්, ජය අංකය - 06, ඊශ්වර දෙවිඳුට සෙත් පතන්න.

වෘශ්චික

සමාජ සේවා කටයුතුවලින් ගෞරවය මෙන්ම ප්‍රශංසාව ද අසන්නට ලැබෙන දිනයකි. ඉගෙනීමේ කටයුතුවලට බාධා එල්ල වේ. ආර්ථික අපහසුතා අද දිනයේ එල්ල විය හැකිය. පදිංචි ස්ථානයේ වෙනසක් සිදු වේ. දූ දරුවන් වෙනුවෙන් වැඩි වෙහෙසක් දැරීමට සිදුවන දිනයකි. ප්‍රේම සබඳතාවලට බාධා මතු වේ. තෙල් සහිත ආහාරවලින් අද දිනයේ ඔබට පීඩාවන් ඇතිවිය හැකිය. ජය වර්ණය - රතු, ජය අංකය -09, නෙළුම් මලක් පූජා කරන්න.

ධනු

මවු පිය දේපළ උරුමකම් ලැබෙන දිනයකි. මිතුරන්ගෙන් තම දියුණුවට උදව් උපකාර ලැබේ. සමානාත්මතාවයෙන් යුතුව සැමදෙනා සමඟම සුහදත්වයෙන් යුතුව කටයුතු කරයි. ආර්ථික තත්ත්වය යහපත් වනු ඇත. දරුවන්ගේ දියුණුව සැලසේ. රැකියාව සම්බන්ධ අධ්‍යාපන කටයුත්තකට පුහුණුවීම් ආදියට සහභාගී වේ. හෘදයාබාධ ඇති කරවිය හැකිය. ප්‍රේම සබඳතා ආදියට බාධා ඇතිවිය හැකිය. ජය වර්ණය - රන්වන්, ජය අංකය - 03, ගුරු දෙගුරුන්ට වැඳ දවස අරඹන්න.

මකර

රැකියාවේ උසස්වීම් හිමිවන දිනයකි. ආර්ථික තත්ත්වය යහපත් වේ. කෘෂිකාර්මික කටයුතුවලින් ලාභ ප්‍රයෝජන ලැබේ. බාහිර අලංකරණ කටයුතු සඳහා වැඩි මුදලක් වැය කරයි. දණහිස් ආශ්‍රිත රෝග පීඩා ඇති බැවින් ප්‍රවේශමෙන් කටයුතු කරන්න. නව මිතුරන් හඳුනා ගැනීමට අවස්ථාව ලැබේ. ප්‍රිය සම්භාෂණ ආදියට සහභාගී වන දිනයකි. විදේශගත මිතුරකුගෙන් ආධාර උපකාර ඉල්ලීමට සුබදායකය. ජය වර්ණය - නිල්, ජය අංකය -08, විෂ්ණු දෙවිඳුට වැඳ දවස අරඹන්න.

කුම්භ

අද දිනයේ ඔබ ආගමික කටයුතුවලට නැඹුරුතාවක් දක්වයි. පියාගේ උරුම දේපළ, උදව් උපකාර ලැබෙන දිනයකි. ප්‍රේම සබඳතාවලට යහපත් වනු ඇත. ව්‍යාපාර කටයුතු කෙරෙහි වෙනදාට වඩා වැඩි උනන්දුවකින් කටයුතු කරයි. අධ්‍යාපන හා ආගමට සම්බන්ධ දුර බැහැර ගමන් බිමන් යෙදීමට පුළුවන. සමාජයේ බොහෝ පිරිසක් සමඟ සුහදව කටයුතු කරයි. නිවාස ඉඩකඩම් ආශ්‍රිත කටයුතුවලින් ලාභ ලැබිය හැකිය. ජය වර්ණය - නිල්, ජය අංකය - 06, විෂ්ණු දෙවිඳුට වැඳ දවස අරඹන්න.

මීන

බාහිර අලංකරණයට හා විනෝදයට සිත යෙදේ. රැකියා ස්ථානයේ යම් කරදර බාධා මතු වේ. අන් අයට උපකාර කිරීමට දොස් අසන්නට ලැබෙන දිනයකි. කාලත්‍ර පාර්ශ්වයට කරදර පීඩා ගෙනදෙයි. උෂ්ණාධික රෝගවලින් පීඩා විඳීමට සිදුවන බැවින් ප්‍රවේශමෙන් කටයුතු කරන්න. විදේශ ගමන් බලාපොරොත්තු වන අයට සුබදායක දිනයකි. කෙටි ගමන් බිමන් ආදිය ඇති කළ හැකිය. ජය වර්ණය - රන්වන්, ජය අංකය - 03, ගුරු දෙගුරුන්ට වැඳ දවස අරඹන්න.

ඉර උදාව - පෙරවරු 06.01 ට

ඉර බැසීම - පස්වරු 18.10 ට

රාහු කාලය

දිවා 09.01 සිට 10.30 දක්වා

රාත්‍රී 21.01 සිට 22.30 දක්වා

සුභ දිශාව - දකුණ

මරු සිටින දිශාව - නැගෙනහිර

මේෂ

ආදායම් ලැබීමට හේතු වේ. ගරු නම්බු නාම ලැබේ. ආරක්ෂක අංශයේ අයට උසස් තනතුරු ලැබේ. සතුරන් පරාජය කරන වික්‍රමාන්විත ක්‍රියා කරන්නෙකි. ලේඛන හැකියාව දියුණු වේ. ගුප්ත විද්‍යාව වැනි ක්ෂේත්‍රයන්හි ඉගෙනීමට හිත යොමු වේ. ආගමික කටයුතු කෙරෙහි යොමු වේ. ප්‍රේම සබඳතා සඳහා වැඩිහිටි ආශිර්වාදය ලබයි. හදිසි අනතුරු ඇති වීමට ඉඩ ඇත. සෙම් රෝග හා මව ට අසනීප වීම් විය හැකිය. රතු පැහැයට හුරු වස්ත්‍රාභරණවලින් සැරසෙන්න. ජය වර්ණය - රතු, ජය අංකය - 09

වෘෂභ

ආදායම් තත්ත්වය තර වේ. තැන්පත් ධනය වර්ධනය වේ. ඉවසීමෙන් කටයුතු කළ හැකි දිනයකි. ආගමික භක්තිය වැඩි වේ. පවුල් සම්බන්ධ ගැටලුකාරී තත්ත්වයන් හට ගනී. ප්‍රයෝගවලට අසුවීමට ඉඩ ඇති දිනයකි. අනවශ්‍ය ගමන් බිමන් යෙදේ. දරුවන් පිළිබඳ ගැටලු ඇති වේ. ප්‍රේම සබඳතාවල දී කල්හාකාරී බවක් පෙන්වයි. අන් අය සමඟ කටයුතු කිරීමේ දී ගැටුම් මතුවිය හැකි බැවින් කල්පනාකාරී වන්න. උදරාබාධ, ඇස් ආබාධ ඇතිවිය හැකිය. සුදු පැහැයට හුරු වස්ත්‍රාභරණයෙන් සැරසෙන්න. ජය වර්ණය - නිල්, ජය අංකය - 05

මිථුන

ආත්ම ශක්තිය ඇති වේ. නිරෝගී වේ. පාලනයෙහි දක්ෂ වේ. උසස් තනතුරු, තාන්න මාන්න ලැබෙන දිනයකි. කතාවෙහි දුර්වලතා ඇති වේ. අධ්‍යාපනය ලබන දූ දරුවන්ට යහපත් දිනයකි. විවාහ යෝජනා ස්ථිර වේ. ඉඩකඩම් සම්බන්ධ ගැටලු ඇති වේ. සහෝදර පක්ෂයෙන් උදව් ලැබෙන දිනයකි. පියාට යහපත් වේ. මවට තරමක අපල ගති පෙන්වයි. මුත්‍රා රෝග හටගනී. බොහෝ විට අනවශ්‍ය වියදම් වැඩිවන බැවින් කල්පනාකාරී වන්න. අද දින රස කැවිලි දන් දෙන්න. ජය වර්ණය - කොළ, ජය අංකය - 05.

කටක

රැකියාවල අස්ථිර බව, වගකීම් පැහැර හැරීම නිසා නීතිමය දඬුවම් ආදිය ඇති වේ. ඇස් රෝග සාදයි. අධ්‍යාපනයට ඉතා හොඳයි. හවුල් ව්‍යාපාර කොටස්වලින් ලාභ ලැබේ. ඉඩකඩම් පිළිබඳ ගැටලු ඇති වේ. සියලු බාධා ඉවත් වී ආදායම වර්ධනය වේ. ඕනෑම ස්ථානයක දී ජයග්‍රහණය ලැබේ. කල් පවත්නා රෝගාබාධ ඇතිවිය හැකිය. කතාව දුර්වල වීම ඇති වේ. මුහුණේ ලප කැළැල් සාදයි. ප්‍රධානීන් සමඟ මතභේද ඇති කරයි. කහ සුදු වස්ත්‍රාභරණයෙන් සැරසෙන්න. ජය වර්ණය - ක්‍රීම් පාට, ජය අංකය - 02

සිංහ

ව්‍යාපාර ආරම්භ කිරීමට සිත යොමු වේ. වැඩිහිටියන්ගේ උදව් උපකාර නොමඳව ලැබෙන දිනයකි. ප්‍රසිද්ධ වේ. සතුරු කරදර අඩු දිනයකි. මනා ආත්ම ශක්තියක් ඇති වේ. මවු පාර්ශවයේ ඥාතීන්ට අපල ඇති කරයි. මුදල් ඉතිරි කිරීම අපහසු දිනයකි. සහෝදර සහෝදරියන්ට ළැදිව කටයුතු කරයි. දරුවන් පිළිබඳ සැලකිලිමත් විය යුතුය. පිට පළාත්වල සංචාරය කිරීමට සිත් යොමු වේ. සෙම් රෝග හා ස්නායු රෝග හට ගනී. රතු පැහැයට හුරු වස්ත්‍රාභරණයෙන් සැරසෙන්න. ජය වර්ණය - රතු, ජය අංක - 01

කන්‍යා

මහජන කටයුතුවලට සුභ දිනයකි. ජනතාවගේ සහයෝගය නිරතුරුවම ලැබෙන දිනයකි. රැකියාවේ උසස්වීම් ලැබේ. ව්‍යාපාර දියුණුව ඇති වේ. ධාර්මික කටයුතුවලට සහභාගී වේ. පරණ ගෙවල් දොරවල් අලුත්වැඩියා කිරීමට පෙළඹේ. කෙටි ගමන් බිමන් යෙදේ. සහෝදර සහෝදරියන්ගෙන් උදව් උපකාර ලැබෙන දිනයකි. දරුවන්ට අපල ඇති කරයි. අනවශ්‍ය විනෝදාත්මක දේවල්වලට මුදල් වියදම් කිරීමෙන් පාඩු සිදු වේ. නිල් පාට වස්ත්‍රාභරණයෙන් සැරසෙන්න. ජය වර්ණය - කොළ, ජය අංකය - 05

තුලා

ඉඩකඩම්, ගේ දොරවල් නිරවුල් වී අයිතිය ලබා ගත හැකි දිනයකි. ප්‍රමාණය ඉක්මවා ආහාර ගැනීමෙන් පීඩාවට පත්වේ. අන් අයගේ හැඟීම්වලට හානිදායී ලෙස සමාජයේ හැසිරීම, සිහිකල්පනාව මඳ බව ඇති වේ. අධ්‍යාපනය ලබන දූ දරුවන්ට යහපත් වේ. පියාට සුබ වේ. රැකියා ස්ථානයේ ගැටලු ඇතිවන බැවින් කල්පනාකාරීව කටයුතු කරන්න. සෙම් රෝග ඇතිවිය හැකිය. සුරතල් සතුන් නිසා රෝගාබාධ ආදිය ඇතිවිය හැකිය. කොළ කහ වර්ණ ඇඳුම් අඳින්න. ජය වර්ණය - නිල්, ජය අංකය - 06

වෘශ්චික

මානසික පීඩනය අධිකව දැනෙන දවසකි. යුග දිවියේ ආරවුල් ඇති වේ. ධනය වියදම් වේ. සහෝදරයන්ට අපල ඇති කරයි. විදේශගත වීමට සුබ දිනයකි. වගකීම් කටයුතු පැහැරහැර තම මතයට ක්‍රියා කරනු ඇත. ගුප්ත හා අද්භූත දේ සෙවීමට උත්සාහ කරන දිනයකි. සතුරු කරදර ඉවත් වේ. ස්වයං රැකියාවලින් ලාභ ලැබේ. ආරක්ෂක අංශයේ නිලධාරීන්ට ඉතා සුබ වේ. කාර්මික වැඩ කටයුතු හා ගණිත විෂයට දක්ෂ වේ. පංච වර්ණ මල් පූජා කරන්න. ජය වර්ණය - රතු, ජය අංකය - 09

ධනු

තැන්පත් ධනය වියදම් වීමට හේතු යෙදේ. දරුවන්ට රෝගාබාධ වැළඳීමට ඉඩ ඇත. වචන වේගවත් වේ. නූගත් පහත් අය ආශ්‍රය නිසා ගැටුම් ඇතිවිය හැකිය. ආරෝග්‍යශාලා වැනි ස්ථානවල සේවය කිරීමට සිදු වේ. මුත්‍රා රෝග හට ගනී. විවාහ යෝජනා පිළිබඳ ගැටලු ඇති වේ. අහංකාර ගති පෙන්වයි. දරුවන් නිසා දියුණුවක් ඇති වේ. ව්‍යාපාර දියුණු වේ. ප්‍රිය සම්භාෂණ ආදියට සහභාගී වීමට ආරාධනා ලැබෙන දිනයකි. අද දින නිර්මාංශව සිටින්න. ජය වර්ණය - රන්වන්, ජය අංකය - 03

මකර

දැඩි උද්යෝගයකින් කටයුතු කළ හැකි දිනයකි. නිවාස දේපළ ලාභ ලැබේ. උසස් රැකියාවකට හිමිකම් ලැබේ. ප්‍රසිද්ධියට පත්වේ. සමිති සමාගම්වල කටයුතු කිරීමට සිදු වේ. මිතුරන් අහිමි වේ. විවාහ දිවියේ ගැටලු ඇති වේ. අනියම් සබඳතා ගොඩනැඟේ. දරුවන්ට රෝගාබාධ වැලඳේ. හදිසි අනතුරු ආදිය ඇති කරයි. සහෝදරියන් අතරේ ගැටලු ඇතිවන බැවින් කල්පනාකාරී වන්න. නීතිමය ගැටලු ආදිය ඇති වේ. කහපාට වස්ත්‍රාභරණයෙන් සැරසෙන්න. ජය වර්ණය - නිල්, ජය අංකය - 08

කුම්භ

අධ්‍යාපන කටයුතු සාර්ථක කර ගැනීමට වාතාවරණය සැලසේ. ආහාර දිරවීමේ ශක්තිය අඩු වේ. අසල්වාසීන්ගෙන් ඊර්ෂ්‍යාවට ලක්වේ. ධර්මය කෙරෙහි බොහෝ නැඹුරුතාවක් දක්වයි. සතුරු කරදර ඇති වේ. තැන්පත් ධනය අඩු කර ගනියි. වාහනයක් අලුත්වැඩියා කිරීමට සිදු වේ. දුර පළාත්වල සංචාරයකට සිත යොමු වේ. අයුතු යෝජනාවලට ලක්වේ. විසකුරු සතුන්ගෙන් හානි වීමට ඇති බැවින් ප්‍රවේශම් වන්න. වස විස ශරීරගත විය හැකි දිනයකි. අද දින නිර්මාංශව සිටින්න. ජය වර්ණය - නිල්, ජය අංකය - 06

මීන

දේපළ පිළිබඳ ගැටලු ඇති කරයි. මැණික්, මිනිරන් වැනි භූමියෙන් ලැබෙන වටිනා දේ හිමි දවසකි. ආශ්‍රය සඳහා සුදුසුම අය පමණක් තෝරා ගනියි. කෘෂිකාර්මික කටයුතුවලින් ලාභ ලැබේ. අධ්‍යාපනය ලබන්නන්ට එතරම් යහපත් නොවේ. කෙටි ගමන් බිමන් අධිකව යෙදෙන දිනයකි. සූදු වැනි ක්‍රියාවලට සම්බන්ධ වේ. අනවශ්‍ය වියදම් වැඩි වේ. මහජන සහයෝගය ලැබෙන දිනයකි. පපුව ආශ්‍රිත රෝග හට ගනී. බෝධිය වැඳ දවසේ වැඩ අරඹන්න. ජය වර්ණය - රන්වන්, ජය අංකය - 03

ඉර උදාව - පෙරවරු 06.02 ට

ඉර බැසීම - පස්වරු 18.11 ට

රාහු කාලය

දිවා 13.32 සිට 15.01 දක්වා

රාත්‍රී 01.32 සිට 03.01 දක්වා

සුභ දිශාව - උතුර

මරු සිටින දිශාව - දකුණ

මේෂ

අඹු සැමියන් අතර සහයෝගය වර්ධනය වන දිනයකි. ආගමට දහමට වැඩි කැමැත්තක් දක්වයි. පියාට තරමක් අපලදායකය. රැකියා ස්ථානවල ගැටලුකාරී තත්ත්වයන් මතුවිය හැකිය. හදිසි අනතුරුවලට ලක්විය හැකි බැවින් ප්‍රවේශමෙන් කටයුතු කරන්න. ඉඩ කඩම් දේපළ සම්බන්ධයෙන් ගැටළුකාරී තත්ත්වයන් මතුවිය හැකිය. සේවක කාරක ආදීන්ගෙන් දෝෂාරෝපණයට ලක්විය හැකිය. රජයේ දඬුවම් ආදියට ඉඩ ඇති දිනයකි. රතු පැහැයට හුරු වස්ත්‍රාභරණවලින් සැරසෙන්න. ජය වර්ණය - රතු, ජය අංකය - 09

වෘෂභ

ආත්ම ශක්තියෙන් යුතුව දවසේ කටයුතු අරඹයි. කලබලකාරී තත්ත්වයක් මතුවිය හැකිය. ආවේගශීලී ගති මතු කරයි. කල් පවත්නා රෝග තත්ත්වයක් වර්ධනය විය හැකිය. තැන්පත් ධනය වර්ධනය වේ. රසවත් ආහාරපාන භුක්ති විඳීමට හැකි වන දිනයකි. ගිලනුන්ට උපස්ථාන කිරීමට වැඩි කැමැත්තක් දක්වයි. ඔබගේ ඇතැම් කටයුතු සමාජයේ අවමානයට, දෝෂාරෝපණයට ලක්විය හැකි බැවින් කල්පනාකාරීව කටයුතු කරන්න. සුදු පැහැයට හුරු වස්ත්‍රාභරණයෙන් සැරසෙන්න. ජය වර්ණය - නිල්, ජය අංකය - 05

මිථුන

මනසේ සැහැල්ලු බව ඇති විය හැකිය. ශරීර සෞඛ්‍යයට යහපත් වනු ඇත. විවාහ ජීවිතය තුළ මතභේදකාරී තත්ත්වයක් ඇති කරයි. අධ්‍යාපනික හා ක්‍රීඩා තරග කටයුතුවල නියැළී සිටින අයට ජයග්‍රහණ ලැබෙනු ඇත. සතුරු කරදර මතු විය හැකිය. ආදායමට වඩා වියදම් පක්ෂය ඉහළ යා හැකි දිනයකි. ගුප්ත ශාස්ත්‍රය හදාරන්නන්ට සුබදායක තත්ත්වයක් පෙන්නුම් කරයි. අද දින රස කැවිලි දන් දෙන්න. ජය වර්ණය - කොළ, ජය අංකය - 05

කටක

ධන ලාභ ලැබීමට වාසනාව ඇත. විදේශ රැකියා බලාපොරොත්තු වන අයගේ බලාපොරොත්තු ඉෂ්ට වේ. විවාහ ජීවිතය තුළ අනපේක්ෂිත ගැටලු ඇති කරයි. සතුන්ගෙන් හානි සිදුවිය හැකිය. කෙටි ගමන් බිමන් අධික වේ. සිතේ නොසන්සුන්තාවක් වර්ධනය වේ. යාන වාහන දේපළ ලැබීමට හා මිලයට ගැනීමට සුබදායක දිනයක් නොවේ. ප්‍රේම සම්බන්ධතාවල දී ආවේගශීලී ගති මතු කරන නිසා කල්පනාකාරීවන්න. කහ සුදු වස්ත්‍රාභරණයෙන් සැරසෙන්න. ජය වර්ණය - ක්‍රීම් පාට, ජය අංකය - 02

සිංහ

තැන්පත් ධනය වර්ධනය වේ. ලොතරැයි ජයග්‍රහණ ලැබීමට හේතු වන දිනයකි. රජයේ රැකියාවල නිරතවන්නන්ට සුබදායකය. සහෝදරයන්ගේ උදව් උපකාර ලැබිය හැකි දිනයකි. ගේදොර කටයුතු අධික විය හැකිය. ලිපි ගනුදෙනු ආදියෙන් වාසි සැලසේ. විදේශ රැකියා බලාපොරොත්තු වූ අයගේ එම අදහස ඉෂ්ට වේ. ක්‍රීඩා කටයුතුවලින් ජයග්‍රහණ ලබාගත හැකිය. ජලය ආශ්‍රිත ක්‍රියාකාරකම්වල දී ප්‍රවේශම් වන්න. රතු පැහැයට හුරු වස්ත්‍රාභරණයෙන් සැරසෙන්න. ජය වර්ණය - රතු, ජය අංක - 01

කන්‍යා

නීතිමය කටයුත්තකින් ජයග්‍රහණ ලැබිය හැකිය. ලොතරැයි ජයග්‍රහණ ලැබීමට හේතු වන දිනයකි. රැකියා කටයුතුවල වර්ධනයක් වේ. ක්‍රීඩා කටයුතුවල නිරත වන්නන්ට ජයග්‍රහණ ලැබිය හැකිය. ආධ්‍යාත්මික කටයුතුවලට වැඩි නැඹුරුතාවක් දක්වයි. කලක් පැවති අසනීප තත්ත්වය සුව අතට හැරේ. විදේශගතව සේවය කරන අයට තම කීර්තිය රඳවා ගත හැකි දින‍යකි. කිරි නිෂ්පාදන ආශ්‍රිත ව්‍යාපාරවලට සුබදායකය. නිල් පාට වස්ත්‍රාභරණයෙන් සැරසෙන්න. ජය වර්ණය - කොළ, ජය අංකය - 05.

තුලා

විදේශගතවීමට බලාපොරොත්තු වන අයගේ එම අරමුණු ඉෂ්ට වන දිනයකි. ගින්නෙන් හානි සිදුවිය හැකි බැවින් කල්පනාකාරීව කටයුතු කරන්න. අක්ෂි ආබාධ මතු විය හැකිය. උසස් අයගේ ඇසුරට පත්වන දිනයකි. රැකියා ස්ථානයේ දී ආවේගශීලී තත්ත්වයක් මතු කරයි. දේපළ ඉඩකඩම් යාන වාහන සම්බන්ධයෙන් ගැටළුකාරී තත්ත්වයක් මතුවිය හැකිය. දුර ගමන් බිමන්වලින් අධික මහන්සිය හා ධන හානි ඇති කරයි. කොළ කහ වර්ණ ඇඳුම් අඳින්න. ජය වර්ණය - නිල්, ජය අංකය - 06

වෘශ්චික

ගමන් බිමන් බහුල වන දිනයකි. ණය ගනුදෙනුවලින් නිදහස් විය හැකිය. පවුල් ජීවිතය තුළ ගැටලුකාරී තත්ත්වයක් වර්ධනය විය හැකිය. ගංගා ඇළ දොළවල දිය නෑමෙන් අනතුරු සිදුවිය හැකි බැවින් ප්‍රවේශමෙන් කටයුතු කරන්න. රැකියාවල නිරත අයට රැකියා ස්ථානයේ ගැටලුකාරි තත්ත්වයන් නිර්මාණය වේ. ධෛර්යය හා කාර්යක්ෂමතාව වැඩි වන දිනයකි. උදරාබාධ, දණහිස් ආශ්‍රිත වේදනාකාරී තත්ත්වයන් මතු කරයි. පංච වර්ණ මල් පූජා කරන්න. ජය වර්ණය - රතු, ජය අංකය - 09

ධනු

ආදායම් ලැබීමට සුබ දිනයකි. ලොතරැයි ජයග්‍රහණ ලැබීමට ඉඩ ඇත. වැය පක්ෂය ද ඉහළ යා හැකිය. කාන්තාවන් සඳහා යටි බඩ ආශ්‍රිත රෝග තත්ත්වයන් මතුවිය හැකිය. වෙහෙස මහන්සි වී වැඩ කටයුතු කරන දිනයකි. මානසික අසහනය වැඩි කරයි. විවාහ ජීවිතය තුළ ගැටලු වර්ධනය වන දිනයකි. ප්‍රේම සබඳතාවලට සුබදායක නැත. දුර බැහැර ගමන් ආදියෙන් අද දිනයේ ඔබට පීඩාකාරී තත්ත්වයන් මතු කරයි. අද දින නිර්මාංශව සිටින්න. ජය වර්ණය - රන්වන්, ජය අංකය - 03.

මකර

රැකියා කටයුතුවල යෙදී සිටින්නන්ට සුභ දිනයකි. ආයතන ප්‍රධානීන්ගේ පැසසුමට ලක්විය හැකි දිනයකි. ණය ගනුදෙනුවලින් පාඩු සිදුවිය හැකිය. මිතුරන් සමඟ සහයෝගය මතුවිය හැකිය. ජලය ආශ්‍රිත තරගවලට පෙනී සිටින්නන්ට ජයග්‍රහණ ලැබිය හැකිය. තමාගේ පිළිගැනීම සහ ජනප්‍රියත්වය වැඩිවන දිනයකි. ඔබගෙන් ලබා ගන්නා උපදෙස් තුළින් බොහෝ පිරිසක් ප්‍රයෝජන ලබා ගන්නා දිනයකි. කහපාට වස්ත්‍රාභරණයෙන් සැරසෙන්න. ජය වර්ණය - නිල්, ජය අංකය - 08

කුම්භ

ආදර සබඳතා ගොඩනැගෙන දිනයකි. අධ්‍යාපන කටයුතුවල නිරත අයට සුභයි. තැන්පත් ධනය වර්ධනය වේ. සතුරු කරදර මතු විය හැකිය. නිර්මාණකරණයේ යෙදී සිටින්නන්ට සුබදායකයි. පියාගෙන් ලාභ ප්‍රයෝජන ලබයි. ආගමානුකූල සිතුවිලි පහළ වන දිනයකි. වන්දනා ගමන් විනෝද චාරිකාවලට සහභාගී වීමට ඉඩ සැලසේ. රසවත් ආහාර ආදිය අද දිනයේ භුක්ති විඳීමට අවකාශ ලැබෙනු ඇත. අද දින නිර්මාංශව සිටින්න. ජය වර්ණය - නිල්, ජය අංකය - 06

මීන

කාර්මික අංශයේ රැකියාවල නිරතවන්නන්ට සුබදායකය. ඥාතීන්ගෙන් උදව් උපකාර ලැබෙන දිනයකි. කලක් පැවැති රෝග තත්ත්වයකින් සුවයක් ලැබිය හැකිය. දේපළ ඉඩකඩම් යාන වාහන මිල දී ගැනීමට හා විකිණීමට සුබදායකය. නව නිවසක පදිංචියට යෑමට සුභ දිනයකි. ප්‍රේම සබඳතාවලට සුබදායක නොවනු ඇත. ගිවිසුම් ආදිය අත්සන් කිරීමේ දී නීත්‍යානුකූලභාවය පිළිබඳව දෙවරක් කල්පනා කළ යුතුය. බෝධිය වැඳ දවසේ වැඩ අරඹන්න. ජය වර්ණය - රන්වන්, ජය අංකය - 03

ඉර උදාව - පෙරවරු 06.02 ට

ඉර බැසීම - පස්වරු 18.12

රාහු කාලය

දිවා 12.02 සිට 13.31 දක්වා

රාත්‍රී 00.02 සිට 01.31 දක්වා

සුභ දිශාව - උතුර

මරු සිටින දිශාව - නිරිත

මේෂ

තරග කටයුතුවලින් ජය ලැබේ. රැකියාවේ නිරත ආරක්ෂක අංශයේ නියුතු අයට උසස්වීම්, තනතුරු ලැබේ. ගේ දොර යාන වාහන සම්බන්ධ ගැටලු ඇති වේ. රාජ්‍ය අංශයට සම්බන්ධ රැකියා ලාබ ලැබේ. පපුව ආශ්‍රිත රෝග හා වේදනා මේ කාලය තුළ සිදුවීමට ඉඩ ඇත. මානසික පීඩාවන්ට හේතු වේ. වැය පක්ෂය තරමක් දුරට ඉහළ යනු ඇත. අනවශ්‍ය වියදම් සිදුවිය හැකිය. ජය වර්ණය - රතු, ජය අංකය - 09, නෙළුම් මලක් පූජා කරන්න.

වෘෂභ

මේ සතිය තුළ රජයට සම්බන්ධ ආයතන තුළින් වාසි අත්වේ. නිවේදන කටයුතු සඳහා ඉල්ලුම් කළ හැකි සතියකි. උපයා ගත් ධනය ආයෝජනය කිරීමට යහපත්ය. පවුලේ සමඟිය ඇති වේ. උරුමයෙන් දේපළ හිමිවන කාලයකි. රැකියාවේ උසස්වීම් ලබාගත හැකිය. අධ්‍යාපනය ලබන දරුවන්ගේ මතක ශක්තිය වර්ධනය වේ. අසල්වැසියන් සමඟ හොඳ සබඳතා ගොඩනැගේ. ප්‍රේම සබඳතා සඳහා යහපත්ය. ඇස් පෙනීමේ දුර්වලතා හටගනී. ජය වර්ණය - නිල්, ජය අංකය - 05, ඊශ්වර දෙවිඳුට සෙත් පතන්න.

මිථුන

මිථුන ලග්න හිමි ඔබට අද දිනයේ ගරු බුහුමන් ලැබේ. උසස් පුද්ගලයන් ආශ්‍රයට ලැබීම, උසස් අධ්‍යාපනයක් ලැබීම, රැකියාවේ උසස් නිලතල ලැබිය හැකිය. උද්යෝගයෙන් කටයුතු කළ හැකි වේ. අනවශ්‍ය වියදම් වැඩි වේ. පාලන ශක්තිය ඇති එඩිතර බව පෙන්වයි. තම කාර්යයන් සඳහා උගත් වැදගත් අය හමුවන දිනයකි. ගේ දොර ඉඩකඩම් වස්තුව ලැබෙයි. ගෘහ ජීවිතය යහපත් වේ. ලැබීම යහපත් වේ. නිරෝගී වේ. ජය වර්ණය - කොළ, ජය අංකය - 05, ගිතෙල් මිශ්‍ර පහනක් දල්වන්න.

කටක

කටක ලග්න හිමි ඔබට අද දිනය එතරම් සුබදායක නොවේ. ධනය වැයවන සතියකි. විදේශ රැකියා ඉල්ලීම සඳහා සුදුසුය. නීති විරෝධී ක්‍රියා නිසා අපවාදයට ලක් විය හැකිය. අධ්‍යාපනය ලබන්නන්ට එතරම් යහපත් නොවේ. සමාජය වෙනුවෙන් කාලය කැප කිරීමට සිදු වේ. ආදායම් තත්ත්වය පහත වැටේ. පවුල් ආරවුල් පැන නඟී. ප්‍රේම සබඳතාවලට යහපත් දිනයක් නොවේ. ඇස්වල ආබාධ ඇති කරයි. ජය වර්ණය - ක්‍රීම් පාට, ජය අංකය - 02, විළඳ පූජා කරන්න.

සිංහ

ඉතාම හොඳ දිනයකි. නිරායාසයෙන් ධනය ගලා එයි. කැපී පෙනෙන චරිතයකි. අධ්‍යාපනය ලබන දූ දරුවන්ට ඉතාම යහපත්ය. උසස් මිතුරන් ආශ්‍රයට ලැබේ. ජලයට සම්බන්ධ ව්‍යාපාරවලින් ආදායම් ඉපැයිය හැකිය. විවාහ දිවිය ඉතා යහපත් වේ. මවට පියාට පවුලේ සැමට හොඳය. ලොතරැයි ජය ලැබිය හැකිය. සහෝදර සහෝදරියන්ගෙන් උදව් උපකාර ලැබේ. අසනීපයෙන් පසුවන අය සුවපත් වේ. සතුරු කරදර අඩු වේ. ජය වර්ණය - රතු, ජය අංක - 01, නෙළුම් මලක් පූජා කරන්න.

කන්‍යා

උසස් තනතුරු ලැබෙයි. පියාට ඉතාම සුබය. තැන්පත් ධනය සම්බන්ධ ගැටලු ඇතිවේ. අධ්‍යාපනය ලබන දූ දරුවන්ට එතරම් සුබදායක නොවේ. ප්‍රේම සම්බන්ධතාවල දී රැවටීම්වලට අසුවන හෙයින් කල්පනාකාරීවන්න. ගෘහ ජීවිතය සාමයෙන් ගත වේ. කෙටි ගමන් බිමන් යෙදේ. දූ දරුවන් බලාපොරොත්තු වන විවාහක අයට සුදුසු කාලයක් නොවේ. ඉඩකඩම් යාන වාහන පිළිබඳ ගැටලු ඇති වේ. සෙම අධික රෝග හට ගනී. ජය වර්ණය - කොළ, ජය අංකය - 05, ගිතෙල් මිශ්‍ර පහනක් දල්වන්න.

තුලා

රැකියා ස්ථානයේ ගැටලු මතු කරයි. ස්ථාන මාරුවීම් වැනි කාරණා යෙදේ. ඉඩකඩම් සම්බන්ධ ගැටලු විසඳේ. ව්‍යාපාර සම්බන්ධ ගැටලු ඇති වේ. පියාට සුබයි. පුණ්‍ය කටයුතුවලට ලැදි වේ. අධ්‍යාපනය ලබන්නන්ට විදේශීය රටවල්වලට ශිෂ්‍යත්ව ලැබීමට සුබයි. වියදම් වැඩි වේ. අසනීප වැනි කරදර ඇති වේ. සෙම් අධික රෝග ඇති කරයි. සුරතල් සතුන් ආදීන්ගෙන් ලෙඩ රෝග ඇතිවිය හැකිය. ජය වර්ණය - නිල්, ජය අංකය - 06, ඊශ්වර දෙවිඳුට සෙත් පතන්න.

වෘශ්චික

මනස අවුල් සහගත බවක් පෙන්වයි. ශරීර සෞඛ්‍ය පිරිහේ. ගුණ ධර්ම පිරිහේ. සහෝදරයන් සමඟ අමනාප වේ. ආරක්ෂක අංශයේ රැකියාවල නියුතු අයට උසස් වීම් ලැබිය හැකි දිනයකි. අධ්‍යාපනය ලබන්නන්ට යහපත් නොවේ. හවුල් ව්‍යාපාරවලින් පාඩු සිදු වේ. ප්‍රේම සබඳතාවල දී කල්පනාකාරීව කටයුතු කරන්න. අනවශ්‍ය ගමන් බිමන් වැඩි වේ. ආදායම් තත්ත්වය සුබදායක නොවේ. අලස බවක් පෙන්වයි. ජය වර්ණය - රතු, ජය අංකය - 09, නෙළුම් මලක් පූජා කරන්න.

ධනු

තනිව සිටීමට කැමති වේ. වියදම් වැඩි වේ. වචන බලවත් වේ. වචන බලවත් වේ. අන්‍යයන් සමඟ හවුලේ කටයුතු කිරීමට අපහසුය. අහංකාර වේ. ලිවීමෙන් හා කියවීමෙන් ලාබ ලැබේ. ඉගෙනීම අවුල් කරයි. උරුමයෙන් ලැබෙන දේපළ හිමි වේ. හොඳ මිතුරන් ආශ්‍රයට ලැබේ. හදිසි අනතුරු ඇතිවිය හැකිය. රුධිරය ආශ්‍රිත රෝග හට ගනී. ප්‍රේම සබඳතා වර්ධනය වේ. සමාජ අප ක්‍රියාවලට යොමු වීම වැනි දේ සිදුවිය හැකිය. ජය වර්ණය - රන්වන්, ජය අංකය - 03, ගුරු දෙගුරුන්ට වැඳ දවස අරඹන්න.

මකර

නිරෝගී වේ. තමාගේ වාසිය පිණිස තමාගේ වාසිය පිණිස කටයුතු කරයි. ඉදිරියට යන ශක්ති සම්පන්න කෙනෙකි. නිරායාසයෙන් ධනය උපයයි. ඉඩකඩම් ලැබීම යහපත් වේ. විවාහ ජීවිතයේ තරමක් ගැටළු ඇති කරයි. නොගැළපෙන සම්බන්ධතා ගොඩනැගෙන බැවින් කල්පනාකාරී වන්න. සතුරු කරදර අඩු වේ. රැකියා සඳහා විදේශ ගමන්වලට යෑමට සුභය. ප්‍රසිද්ධ වේ. මිත්‍ර සබඳතා වැඩි වේ. ස්ත්‍රී පක්ෂයෙන් වැඩිපුර ලාභ ලැබේ. අනතුරුවලට මුහුණ දීමේ අවධානමක් ඇත. ජය වර්ණය - නිල්, ජය අංකය -08, විෂ්ණු දෙවිඳුට වැඳ දවස අරඹන්න.

කුම්භ

හොඳ මිත්‍රයන් ආශ්‍රයට ලැබේ. මහජන ප්‍රසාදය හිමි වේ. තමා විසින්ම ධනය උපයා ගනී. ඉගෙනීමට ඉතාම යහපත් වේ. දරුවන්ට සුබ වේ. නාට්‍ය රචනා කිරීම ආදියට සුබ වේ. පියාට ඉතාම යහපත් වේ. රැකියා ස්ථානයේ මාරුවීම් ඇති වේ. වැඩිමහල් සහෝදරයන්ට අපල ඇති වේ. සතුරු කරදර අඩු වේ. යාන වාහන පිළිබඳ ගැටලු ඇති වේ. ආමාශගත රෝග හට ගනී. වස විස වර්ග ශරීරගත විය හැකිය. ජය වර්ණය - නිල්, ජය අංකය - 06, විෂ්ණු දෙවිඳුට වැඳ දවස අරඹන්න.

මීන

ආදායම් මාර්ග යහපත් වේ. ප්‍රේමය විවාහය ගැන තීරණ ගැනීමේ දී කල්පනාකාරී වන්න. අධ්‍යාපනය ලබන්නන්ට යහපත් නොවේ. දේශපාලනය කරන්නන්ට වැදගත් දවසකි. රැකියා ස්ථානයේ ගැටලු ඇති වේ. ආගමික භක්තිය ඇති වේ. කෙටි ගමන් බිමන් යෙදේ. නෑදෑයන් විරුද්ධ වේ. ඉඩකඩම් ගේ දොර පිළිබඳ කරදර ඇති වේ. සැපය අඩු වේ, මිත්‍රයන් අඩු වේ. පාදවල අමාරු ඇති කරයි. ජය වර්ණය - රන්වන්, ජය අංකය - 03, ගුරු දෙගුරුන්ට වැඳ දවස අරඹන්න.

Powered by Blogger.